首页 > 跨区攻略 > 斨(唱)钱

斨(唱)钱

2026-02-12 16:44:30

斨(唱)钱

正文

我来说两句(人参与)

扫描到手机

关闭

2013年07月05日02:54

来源：南方都市报

手机客户端

保存到博客

大|中|小

打印

Highyun 莫讲话外省人唔知何谓“唱散纸”，就连广府人，都谂唔明点解一张大纸换成一沓散纸嘅动作叫做“唱钱”。又难怪嘅，事关“唱钱”嘅“唱”只系借音，本字应该系“斨”，读若“昌”。“斨”系形声字，左边嘅声旁“爿”(读“长”)，指劈成片嘅竹木，右边嘅“斤”，本身就有斧头之意，若然睇返小篆体，“斨”嘅右边部分直头就系把斧头。斧头系古时重要嘅生产工具，故此种类分得好细，《说文解字注》就有段噉嘅说明：“銎者，斤斧空也。隋銎曰斧，方銎曰斨”，意思系话斧头插木柄嗰个窿椭圆形嘅就叫“斧”，方形嘅就叫“斨”。文字演化，时至今日啲人净系识“斧”唔识“斨”。喺纸币未通行之前，货币主要系一嚿嚿嘅银两。为使用方便，要将嚿银锭化整为零，就需要借助“斨”呢种斧头。久而久之，用斨劈开银两嘅动作就叫做“斨银”，“斨”亦由名词变成动词。今日所讲嘅“coeng3钱”，既唔系“唱钱”，亦唔系“畅钱”，而系自古已有嘅“斨钱”。虽则“斨”有化整为零之意，但将个西樵大饼分开四件又唔可以讲“斨开佢”喔。“斨”只用喺钱银方面，大面额嘅钱，换成等额嘅细面额钱币，就系“斨钱”。至于“找”同“续”，都系指用大于货物价钱嘅大面额钱币买嘢之后，商家还返剩余嘅散纸畀买家。相信好多人有过去士多斨钱嘅经验，为咗斨散张一百蚊，焗住要买件一蚊几毫嘅嘢，等档主续返九十几蚊散纸过你，因为若果你完全唔帮衬斋要求斨钱，啲人会当你混吉，多数唔睬你。至于“换”，原则上换嘢都系等价交换，但“换钱”唔一定系斨散啲钱，重可以包含多个意思。例如用散纸换大纸，或者用港纸换人民币，又或者旧银纸换新银纸，都系“换”唔系“斨”。

https://news.sohu.com/20130705/n380754938.shtml

news.sohu.com

false

南方都市报

https://epaper.oeeee.com/C/html/2013-07/05/content_1888511.htm

report

816

Highyun莫讲话外省人唔知何谓“唱散纸”，就连广府人，都谂唔明点解一张大纸换成一沓散纸嘅动作叫做“唱钱”。又难怪嘅，事关“唱钱”嘅“唱”只系借音，本字应该系

(责任编辑：Newshoo)

[保存到博客]